"Саутгемптон" ўз вақтида жамоа сафида тўп тепган "Брайтон" ярим ҳимоячиси Адам Лалланани ўз сафига қўшиб олмоқчи. Бу ҳақда Telegraph нашри хабар бермоқда.

Қайд этилишича, томонлар ушбу ёзда футболчининг эркин агент сифатида трансфери борасида музокаралар олиб боришмоқда. Лаллананинг "Брайтон" билан шартномаси келаси ой тугайди.

36 ёшли Лаллана фаолиятини "Саутгемптон"да бошлаган ва 2014 йилнинг ёзида "Ливерпул"га ўтган. Ярим ҳимоячи "Брайтон"га 2020 йилнинг ёзида келиб қўшилган эди. Жорий мавсумда футболчи жамоа сафида барча турнирларда 30 та учрашувда иштирок этиб, битта голли узатмани амалга оширган.