"ПСЖ" ярим ҳимоячиси Хави Симонс "Барселона"га ўтишга умид қилмоқда.
21 ёшли футболчи Германиянинг “РБ Лейпциг” клубида ижара асосида ўйнади ва мавсумни муваффақиятли ўтказди.
Нидерландиялик футболчини ўз сафига кўплаб топ-клублар қўшиб олмоқчи. "ПСЖ" бош мураббийи Луис Энрикенинг ҳам у учун режалари бор, аммо футболчининг ўзи ҳамон "Барселона"га қайтишни орзу қилади.
Mundo Deportivo хабарига кўра, Симонс Париж раҳбариятини Каталония клубига уни ижарага қўйиб юбориш бўйича кўндирмоқчи. Бироқ бу у ўйлагандек, муваффақиятли кечаётгани йўқ.
Ҳозирда ҳужумкор ярим ҳимоячи "кўк-анорранглилар"дан фаол ҳаракатни кутмоқда - у кўп нарса Ла Лиганинг молиявий томонларига боғлиқлигини тушунади.
