"Ан-Наср" ҳужумчиси Криштиану Роналду саккиз йил ичида биринчи марта чемпионатда урган голлари сонини 35 тага етказди.
39 ёшли португалиялик 31 ўйинда 35 та гол уриб, Саудия Лигасининг энг яхши тўпурари ва рекордчисига айланди. Эътиборлиси, Роналду 2015/16 йилги мавсумдан бери биринчи марта чемпионатда 35 та гол уришга муваффақ бўлди.
Роналдунинг энг сермаҳсул мавсуми 2014/15 йилги мавсум бўлиб қолмоқда, у Ла Лигада рақиблар дарвозасига 48 та гол урган эди.
Саудия Арабистони чемпионатининг тўпурарлик пойгасида “Ан-Наср” ҳужумчиси 28та гол урган Александр Митровичдан устун келди.
