"Реал" бош мураббийи Карло Анчелотти жамоа дарвозабони Андрей Лунин Чемпионлар лигаси финалида иштирок этиши мумкинлигини айтди.
Олдинроқ испаниялик AS нашри 25 ёшли дарвозабон иситма ва ҳарорат туфайли мадридликлар машғулотларини ўтказиб юборгани ҳақида хабар берган эди.
“Лунин мавсумни ажойиб ўтказмоқда. Бугун у касал бўлиб қолди, лекин у финалга тайёр бўлади", - дея Анчелотти сўзларини келтиради Football Espana.
Жорий мавсумда Лунин “Реал” сафида барча мусобақаларда 31 та ўйин ўтказиб, 32 та гол ўтказиб юборди ва 12 та ўйинда дарвозаси дахлсизлигини сақлаб қолди.
