Мадриднинг “Реал” клуби дарвозабони Тибо Куртуа Бельгия терма жамоаси сафида Европа чемпионатида иштирок этмайди.
Жамоа бош мураббийи Доминик Тедеско дарвозабонни турнир қайдномасига киритмаган.
Эслатиб ўтамиз, Куртуа тиззасининг хочсимон бўғимларидаги жароҳат туфайли 8 ойни ўтказиб юборганди. Бельгиялик футболчи мавсумдаги илк ўйинини фақат май ойи бошида ўтказди, аммо бош мураббий Карло Анчелотти дарвозабонни Чемпионлар лигаси финалида майдонга тушириши мумкин.
Бельгия терма жамоаси дарвозасини Европа чемпионатида Кун Кастелс, Матц Селс ва Томас Камински каби дарвозабонлар қўриқлаши мумкин.
