«Аталанта»нинг бразилиялик ярим ҳимоячиси Эдерсон фаолиятини Англия Премьер-лигасининг топ-клубида давом эттириш имкониятига эга. Бу ҳақда "Tuttosport" журналистлари хабар бермоқда.
Манбага кўра, 24 ёшли футболчини ўз сафига «Ливерпуль» клуби қўшиб олишга қизиқмоқда. Мерсисайдликлар келишувни ёзги трансфер ойнасида якунлашни режалаштирмоқда. Эдерсоннинг бозор қиймати 30 миллион еврога баҳоланмоқда.
Ярим ҳимоячи 2022 йилнинг ёзидан бери Бергамо жамоасида тўп сурмоқда. Ўтган мавсумда бразилиялик футболчи 52 та ўйинда иштирок этиб, 7 та гол ва битта голли узатмани амалга оширган.
