"Реал Мадрид" жамоаси ёзги трансфер ойнасида таркибни ўзгартириши мумкин. Todofichajes хабарига кўра, ҳужумчи Родриго Мадрид клубини тарк этиши мумкин.
Кўриниб турибдики, Килиан Мбаппе тез орада "Лос-Бланкос" лагерига етиб боради, кейин эса ҳужумчилардан бири ортиқча бўлиши мумкин.
Манбага кўра, "Реал" Родригонинг трансферидан камида 100 миллион евро ишлаб олишига ишонмоқда.
Мадридликлар 23 ёшли бразилиялик футболчини фаолиятининг энг яхши даврида захирада ўтириши нотўғри деб ҳисоблайди.
Родригони кўплаб клублар ўз сафига қўшиб олмоқчи - "ПСЖ", "Ливерпуль", "Челси" ва "Манчестер Юнайтед" ҳам унга қизиқиш билдирмоқда.
Парижликлар айниқса бу борада жиддий, чунки Мбаппе кетганидан кейин уларга янги юлдуз керак.
