Каталониянинг "Барселона" клуби бир йил аввал эркин агент сифатида жамоага қўшилган марказий ҳимоячи Иньиго Мартинес билан ёзда хайрлашиши мумкин. Sport нашри хабарига кўра, испаниялик футболчи "кўк-анорранглилар" собиқ устози Хави Эрнандес ташаббуси билан таклиф қилинган.
Манбанинг хабар беришича, "Барселона"нинг янги бош мураббийи Ханс-Дитер Флик Мартинес хизматларидан бош тортиши мумкин. Клуб раҳбарияти ҳам Иньигони муҳим футболчи деб ҳисобламайди. Фахрий ҳимоячи ўтган мавсумда барқарор майдонга тушмади.
Аввалроқ 33 ёшли Мартинесга Мадриднинг "Атлетико" клуби қизиқиш билдираётгани ҳақида хабар берилганди.
