“Rheinmetall” мудофаа концерни Дортмунднинг “Боруссия” клуби ҳамкорига айланди.
Немис клуби "Rheinmetall" билан шартнома имзолаганини эълон қилди. Мудофаа ва технология компаниялари гуруҳи "спорт ва ижтимоий муҳитда" Дортмунднинг ҳамкорига айланади.
Ҳамкорлик 3 йилга мўлжалланган бўлиб, реклама майдонидан фойдаланиш, маркетинг ҳуқуқлари, шунингдек, стадион ва клуб майдонларида тадбирлар ўтказиш бўйича таклифларни ўз ичига олади.
Дортмунднинг "Боруссия" клуби 1 июнь куни бўлиб ўтадиган Чемпионлар лигаси финалига тайёргарлик кўришда илк бор Rheinmetall логотипидан фойдаланади.
Rheinmetall немис концерни бўлиб, Германия ва Европадаги энг йирик ҳарбий техника ва қурол ишлаб чиқарувчилардан бири ҳисобланади. Шунингдек, у автомобиллар учун бутловчи қисмлар ҳам ишлаб чиқаради.
