"Ливерпуль"нинг икки футболчиси Саудия Арабистонига йўл олиши мумкин.
Daily Mail хабарига кўра, Луис Диас ва Жо Гомес Яқин Шарқ чемпионатининг трансфер мақсадлари рўйхатига киритилган. Саудияликлар ёзда ёш футболчилар билан шартнома имзоламоқчи.
Таклифлар келгуси ҳафталарда берилиши мумкин. Саудияликлар ҳар икки футболчи ҳам Юрген Клопп "Ливерпуль"ни тарк этганидан сўнг ўтишга рози бўлиши мумкинлигига ишонишади.
Ўтган мавсумда Премьер-лигада Диас 37 та ўйинда майдонга тушиб, 8 та гол ва 5 та голга ассистентлик қилган. Гомес ҳисобида 32 ўйин ва 1 голли узатма бор.
