"Реал Мадрид" бош мураббийи Карло Анчелотти Хавининг "Барселона" бош мураббийлигидан четлатилганига изоҳ берди.

“Бу мураббий ҳаётида содир бўладиган воқеалардан бири холос. Менимча, Хави бироз хавотирда бўлиши мумкин, чунки у биринчи марта ишдан бўшатиляпти.

Аммо вақт ўтиши билан у буни ишнинг бир қисми сифатида қабул қилади, деб ўйлайман. Клуб ва мураббий ўртасидаги муносабатлар унчалик яхши бўлмаса, энг яхшиси йўлларни ажратишдир.

Бу мен билан кўп бўлган - "Наполи", "Бавария", "Челси"да... Кетганим маъқул. Ўйлайманки, бу Хави учун яхшироқ бўлади.

Шунингдек, "Барселона" учун ҳам яхшироқ бўлиши мумкин", - дея Анчелоттининг сўзларини келтирмоқда AS.