"Барселона" президенти Жоан Лапорта Испания судялар қўмитаси (CТА) собиқ вице-президенти Хосе Мария Энрикес Негрейрага пора тўлаганлик учун жиноий жавобгарликдан озод этилди, дея хабар бермоқда AS нашри.
Каталония клубининг 2003-2010 йиллардаги барча директорлари ва бошқарув аъзолари ҳам оқланган. Аввалроқ, суд "Барселона" президенти Жоан Лапортани порахўрлик айбловидан озод қилгани ҳақида маълумот пайдо бўлган эди.
31 май куни суд судьянинг уни жиноий жавобгарликка тортиш ҳақидаги қарори устидан берилган шикоятларни қаноатлантиришга қарор қилди.
Қайд этилишича, бу мурожаатларга Мадриднинг “Реал” клуби ва Ла Лига қаршилик қилган. "Барселона" ўз навбатида суд қароридан жуда мамнун.
Шу билан бирга, "Негрейра иши" бўйича тергов давом этмоқда.
