Винисиус Жуниор Чемпионлар лигасининг иккита финалида гол урган энг ёш футболчига айланди.

Мадриднинг “Реал” клуби Чемпионлар лигаси финалида “Боруссия Дортмунд”ни мағлуб этди (2:0).

Винисиус Жуниор 83-дақиқада жамоасининг иккинчи голини урди. У буни 23 ёшу 325 кунлигида қилган.

Шунингдек, у 2021/22 йилги мавсумда асосий еврокубок финалида “Ливерпуль” дарвозасига ҳам гол урган (1:0).

Шу тариқа, Винисиус Чемпионлар лигасининг 2 финалида гол урган энг ёш футболчига айланди ва Лионель Мессининг рекордини янгилади.

Месси асосий еврокубокларнинг 2 финалида “Барселона” сафида рақиб дарвозасига гол урган: 2009 ва 2011 йилларда. 2011 йилги Чемпионлар лигаси финалида “Манчестер Юнайтед”га (3:1) урилган гол вақтида Месси 23 ёшу 338 кунлик эди.