"Ювентус" ярим ҳимоячи Адриен Рабьони жамоада сақлаб қолиш устида ишламоқда.
La Gazzetta dello Sport нашри хабарига кўра, Турин клуби 29 ёшли франциялик футболчига яна бир мавсум узайтириш имконияти билан икки йиллик шартнома таклиф қилган.
"Кекса синьора" Рабьога бонуслар билан бирга мавсумига 9 миллион евро маош таклиф қилмоқда. Шу билан бирга, Адриеннинг ишларини бошқарадиган Вероник исмли футболчининг онаси ярим ҳимоячининг жамоада энг юқори маошга эга бўлишини истайди.
Музокараларда "Ювентус" Данило кетганидан кейин Рабьо сардор бўлиши мумкин деган аргументдан фойдаланмоқда. Айни пайтда франциялик футболчининг бошқа таклифлари ҳам бор.
