Мавсумни “Жирона”да ижара асосида ўтказган “Барселона” марказий ҳимоячиси Эрик Гарсиянинг келажаги ҳали аниқланмаган. 23 ёшли футболчи “блауграна”га қайтиш ва яна бир бор асосий таркибда ўз ўрнини эгаллашга ҳаракат қилиш ниятида.
Шу билан бирга, журналист Иван Сан Антонио фикрича, Гарсиянинг қайтиши ҳали "Барселона" учун устувор вазифа эмас. Ҳозирча марказ ҳимоячиси билан ҳеч қандай музокаралар бўлмаган. Испаниялик футболчининг тақдирини жамоанинг янги бош мураббийи Ханс-Дитер Флик ҳал қилиши керак.
Эрик Гарсия “Жирона” сафида 31 та ўйин ўтказиб, 5 та гол урган. Футболчининг "Барселона" билан шартномаси 2026 йилгача мўлжалланган.