Mavsumni “Jirona”da ijara asosida o‘tkazgan “Barselona” markaziy himoyachisi Erik Garsiyaning kelajagi hali aniqlanmagan. 23 yoshli futbolchi “blaugrana”ga qaytish va yana bir bor asosiy tarkibda o‘z o‘rnini egallashga harakat qilish niyatida.

Shu bilan birga, jurnalist Ivan San Antonio fikricha, Garsiyaning qaytishi hali "Barselona" uchun ustuvor vazifa emas. Hozircha markaz himoyachisi bilan hech qanday muzokaralar bo‘lmagan. Ispaniyalik futbolchining taqdirini jamoaning yangi bosh murabbiyi Xans-Diter Flik hal qilishi kerak.

Erik Garsiya “Jirona” safida 31 ta o‘yin o‘tkazib, 5 ta gol urgan. Futbolchining "Barselona" bilan shartnomasi 2026 yilgacha mo‘ljallangan.