«Манчестер Юнайтед» вингери Жэйдон Санчо ижарадан кейин яна ўзини жамоада синаб кўришга тайёр.
Англиялик футболчи бош мураббий Эрик тен Хаг билан можародан сўнг «қизил иблислар»даги ўрнини йўқотди. 24 ёшли футболчи мавсумнинг иккинчи ярмини Дортмунднинг «Боруссия»сида ижарада ўтказди. Маълумки, немис клуби «Манчестер Юнайтед» деярли 60 миллион еврога баҳолаётган Санчонинг тўлиқ трансферини амалга ошира олмайди. Журналист Жон Кросснинг сўзларига кўра, футболчининг ўзи «Манчестер Юнайтед»га қайтиш ғоясини рад этмайди - у ҳали ҳам жамоада келажаги борлигига ишонади.
Эрик тен Хаг ўз лавозимида қолса, Жэйдон Санчо сотувга қўйилиши аввалроқ хабар қилинганди.
