Ўнг қанот ҳимоячиси Эмерсон Роялни "Тоттенхэм"дан "Милан"га ўтказиш бўйича келишув амалга ошмай қолиши мумкин. Маълумки, бразилиялик футболчини “россонерилар” яқинлашиб келаётган трансфер ойнасидаги асосий мақсадларидан бири сифатида белгилаган.
Нуфузли инсайдер Жанлука Ди Марционинг сўзларига кўра, "Тоттенхэм" 25 ёшли футболчи учун 25 миллион евро сўрмоқда ва "Милан" бу нархни жуда юқори деб ҳисобламоқда.
2021 йил августида “шпорлар” Эмерсон Роялни “Барселона”дан 25 миллион еврога сотиб олган эди. Ўтган мавсумда футболчи барча турнирларда 24та ўйин ўтказиб, битта гол урган.
