Франция олимпия терма жамоаси бош мураббийи Тьери Анри тажрибали Александр Ляказеттнинг ёрдамига умид қилмоқда.

Турнир июлдан августгача бўлиб ўтади. L'Equipe нашрининг ёзишича, Анри 33 ёшли Ляказеттни французларнинг дастлабки аризасига киритишга қарор қилган, бу эса форварднинг ўзини ҳайратда қолдирган.

Футболчи ҳозирча таклифга жавоб қайтаргани йўқ, бироқ манба таъкидлаганидек, "Лион" бу чақирувни қабул қилишга қарор қилса, ўз юлдузини Олимпиадага қўйиб юборади.

Яқинда Александр Ляказеттнинг Саудия Арабистонига кўчиб ўтиши мумкинлиги маълум бўлди. Сўнгги Лига 1да Лондоннинг “Арсенал” клуби собиқ футболчиси “Лион” сафида 29 та ўйинда майдонга тушиб, 19 та гол урди.