"РБ Лейпциг" ҳужумчиси Бенжамин Шешко ёзги трансфер ойнасида жамоасини тарк этиши мумкин.
The Athletic хабарига кўра, футболчига Европанинг турли бурчакларидан жамоалар қизиқиш билдирмоқда. Манбага кўра, словениялик футболчи жамоани тарк этишга қарор қилса, уни трансфер қилиш учун Лондоннинг "Арсенал" клуби фаворит бўлади.
Айни пайтда ҳужумчига "Челси" ҳам қизиқиш билдирмоқда. "РБ Лейпциг" Бенжаминни кейинги мавсумда сақлаб қолишдан умидвор.
Сўнгги Бундеслига мавсумида 21 ёшли форвард 14 та гол ва 2 та голли узатмани амалга оширди. Аввалроқ, ҳужумчининг шартномасида товон пули 60 миллион евро эканлиги ҳақида хабарлар тарқалган эди.
