Килиан Мбаппе "ПСЖ"дан "Реал"га ўтди - душанба оқшомида Мадрид суперклуби юлдуз форварднинг трансферини эълон қилди. Transfer News Live нашрининг L'Equipe нашрига таяниб хабар беришича, парижликлар клуби Мбаппенинг апрель ва май ойларидаги маошини ҳамда февраль ойидаги бонусни ҳамон тўламаган.
Манбанинг қайд этишича, "ПСЖ" ва Мбаппенинг адвокатлари бир-бирини айбламоқда. Иш Франция профессионал футбол лигасининг ҳуқуқий комиссиясигача етиб бориши мумкин.
Эслатиб ўтамиз, Килиан Мбаппе “ПСЖ” сафида етти мавсум ҳаракат қилди. Энди форвард Испанияда ўзини кўрсатишга ҳаракат қилади.
