"ПСЖ" ярим ҳимоячиси Хави Симонс "Бавария"га ўтиши мумкин, деб ёзади Bayern & Germany.
21 ёшли нидерландиялик футболчи жорий мавсумда “РБ Лейпциг” сафида тўп тепди. "ПСЖ" уни доимий равишда қўйиб юбориш ниятида эмаслиги, аммо Симонс Францияга қайтишни истамаса, уни ижарага беришга тайёрлиги ҳақида маълумотлар бор эди.
"Бавария" спорт директори Макс Эберль ўтган йили "РБ Лейпциг"да ишлаб юрганида Хави билан шартнома имзолаганди ва яна футболчини ижарага олмоқчи. Эслатиб ўтамиз, Симонс 2019 йилнинг июль ойида "ПСЖ"га ўтган эди. Ўшандан бери у ПСВ ва "РБ Лейпциг"га ижарага ўтди.
Жорий мавсумда Симонс 43 та ўйин ўтказиб, 10 та гол урди ва 13 та голли узатмани амалга оширди.
