"Бавария" Жонатан Та билан трансфер бўлган тақдирда унинг маош миқдорини келишиб олди.
Bild журналистлари Кристиан Фальк ва Тоби Альтшаффлнинг фикрича, агар у Мюнхен клубига ўтса, "Байер" ҳимоячиси 9 миллион евро миқдорида белгиланган маош ва йилига 3 миллион бонус олади.
Футболчи трансферга принципиал жиҳатдан рози бўлди, аммо якуний қарор Европа чемпионати якунланганидан кейин қабул қилинади.
Ўтган мавсумда 28 ёшли футболчи Бундеслиганинг 31 та учрашувида майдонга тушиб, 4 та гол урди ва битта голли узатмани амалга оширди.
