"Ювентус" ҳужумкор ярим ҳимоячиси Матиас Суле "Байер"нинг нишонига айланди. 21 ёшли футболчи мавсумни "Фрозиноне"да ижара асосида ўтказди.
Истиқболли аргентиналикнинг саъй-ҳаракатлари эътибордан четда қолмади ва энди уни "Байер" сотиб олишга қизиқмоқда, дея хабар беради инсайдер Николо Шкира. Шартномани якунлаш учун Германия чемпиони тахминан 35-40 миллион евро сарфлаши керак бўлади.
Футболчининг ўзи янги бош мураббий Тиаго Мотта бошчилигида ўзини "бянконери"да синаб кўрмоқчи. Матиас Суле “Фрозиноне” сафида А Сериянинг 36 та учрашувида 11 та гол ва 3 та голли узатмага муаллифлик қилган.
