Кейлор Наваснинг собиқ ёрдамчиси норасмий ишга жойлашгани учун футболчи устидан шикоят қилди, деб хабар беради RMC Sport.
Бу шахс ҳафтасига 90 соат 20 ой шартномасиз коста-рикаликка ёрдамчи бўлиб ишлаган, ойига 3200 евро маош олган. Дарвозабон ёрдамчиси ва тансоқчисига уйининг ертўласидан ётишга жой қилиб бергани айтилмоқда.
Навас ўз хавфсизлигидан қўрқиб, ёрдамчисини ҳар доим ўзи билан қурол олиб юришга мажбур қилган. Хабар қилинишича, ходимда отиш гувоҳномаси бўлган, бу эса ишга жойлашишнинг асосий шартларидан бири эди.
Айтишларича, дарвозабон у билан шартнома имзолашга ваъда берган, аммо ҳеч қачон бундай қилмаган. "Биз француз қоидаларига кўра ишламаймиз, биз менинг қоидаларим бўйича ишлаймиз", - деди Навас вазиятни тушунтириб берди.
Кейлор 2019 йилда “Реал”дан "ПСЖ"га ўтганидан сўнг бу ишни қилган.
