"Реал Мадрид" асосий таркибига кира олмаган ярим ҳимоячи Арда Гюлерга трансфер бозорида талаб катта. Бу ҳақда Todofichajes журналистлари хабар бермоқда.
Манба берган хабарга кўра, туркиялик иқтидор эгаси хизматларига "Хетафе", "Реал Сосьедад", "Лас-Пальмас", "Мальорка", "Милан", "РБ Лейпциг" ва "Фенербахче" клублари қизиқиш билдирмоқда. Бу клублар футболчини кейинги мавсум учун ижарага олмоқчи.
Арда ўтган ёзда "Реал"га ўтган эди. 19 ёшли туркнинг "Лос-Бланкос" билан шартномаси 2029 йилнинг июнь ойи охиригача амал қилади. Transfermarkt портали ярим ҳимоячининг бозор нархини 15 миллион еврога баҳоламоқда.
