“Ювентус” ярим ҳимоячиси Адриен Рабьо ҳали клуб билан янги шартнома борасида келиша олмаяпти.
Июль ойидаёқ франциялик футболчи агар унгача вазият ҳал этилмаса, эркин агент мақомини олади, бироқ томонлар ўртасидаги музокаралар ҳали ҳам давом этмоқда. Calciomercato хабарига кўра, "Ювентус" Рабиога йилига 8 миллион евро тўлашга тайёр, футболчининг ўзи эса 10 миллион евро талаб қилмоқда.
Ярим ҳимоячини "ПСЖ"даги биргаликдаги ўйинларидан яхши биладиган Тьяго Моттанинг бош мураббий лавозимига яқин орада келиши муросага эришишга ёрдам беради. Қолаверса, 29 ёшли футболчи учун Чемпионлар лигасида иштирок этиш факти ҳам муҳим.
