Аёллар ўртасида "Катта дубулға" туркумига кирувчи "Ролан Гаррос" турнири қизғин паллага кирди.
Ярим финалда сайёрамизнинг 12-рақамли ракетка устаси Жасмине Паолини россиялик 17 ёшли иқтидор эгаси Мирра Андревага қарши кортга чиқиб, 6-4 6-1 ҳисобида ғалаба қозонди.
Шу билан 17 ёшли ўсмир қизнинг ғалабали одими шу босқичда якун топди. Жасминенинг финалдаги рақибаси амалдаги чемпион, WТА рейтингининг карвон бошлик қилаётган Ига Свёнтек бўлади.
Қайд этиш жоизки, Паолини Андрева билан 2024-йил ҳисобидан 2 бор тўқнаш келишди. Ундан олдинги "Madrid Open" турниридаги беллашувда Мирранинг қўли баланд келган эди.
