"Ювентус" "Манчестер Юнайтед" билан Мэйсон Гринвуд трансфери бўйича музокара ўтказди.
La Gazette dello Sport хабарига кўра, англиялик ярим ҳимоячи ўз атрофидагиларга ёзда Турин клубига ўтишга тайёрлигини айтган.
"Ювентус" директори Криштиану Жунтоли воситачилар орқали "Юнайтед" билан дастлабки музокараларни бошлади. Қайд этилишича, “бьянконерилар”нинг янги бош мураббийи Тьяго Мотта эҳтимолий трансферни маъқуллаган.
Муаммо "манкунианликлар" сўраган 35-40 миллион евро миқдорида бўлиши мумкин. Гринвуднинг амалдаги шартномаси 2025 йилнинг июнида тугашини ҳисобга олсак, бу жуда юқори деб ҳисобланади. Шу муносабат билан нархни пасайтириш ёки фойдалироқ формулаларни излаш ишлари олиб борилмоқда.
