Москва вақти билан 18-майдан 19-майга ўтар кечаси Саудия Арабистонида WBA, IBF ва WBО йўналишлари бўйича жаҳон чемпиони, украиналик Александр Усик ва WBC йўналиши бўйича жаҳон чемпиони британиялик Тайсон Фьюри ўртасида чемпионлик жанги бўлиб ўтди.
Жанг трансляция орқасидан 50 миллион доллар даромад келтирган, деб хабар беради ESPN.
Манбага кўра, ҳомийлик шартномаларидан 40 миллион доллар тушган, чиптадан тушган даромад эса 3 миллион долларни ташкил қилган.
Эслатиб ўтамиз, қарама-қаршилик 12 раунд давом этди ва украиналик спортчи ҳакамлар қарорига кўра ғалаба қозонди.
Шу тариқа, Усик 21-асрда оғир вазн тоифасида биринчи мутлақ жаҳон чемпионига айланди, Фьюри эса фаолиятидаги илк мағлубиятга учради.
