Ҳужумчи Лаутаро Мартинес янги шартнома шартлари бўйича тўлиқ келишиб олди. "Интер" сардори Америка кубогидан сўнг клуб қароргоҳига келгач, янги меҳнат шартномасини имзолайди.
Инсайдер Фабрицио Романонинг ижтимоий тармоқларда хабар беришича, Лаутаронинг янги шартномаси 2028/2029 йилги мавсум охиригача амал қилади. Аргентиналик ҳужумчи йилига соф 9 миллион евро ишлаб олади. Мартинес ўз даромадини бонус тўловлари орқали ошириши мумкин бўлади.
Мартинес "Интер"да 2018 йилнинг ёзидан бери ўйнамоқда. Ўшандан бери ҳужумчи 282 та расмий ўйинда майдонга тушиб, 129 та гол урган ва шерикларига 43 та голли узатма берган.
