Hujumchi Lautaro Martines yangi shartnoma shartlari bo‘yicha to‘liq kelishib oldi. "Inter" sardori Amerika kubogidan so‘ng klub qarorgohiga kelgach, yangi mehnat shartnomasini imzolaydi.
Insayder Fabrisio Romanoning ijtimoiy tarmoqlarda xabar berishicha, Lautaroning yangi shartnomasi 2028/2029 yilgi mavsum oxirigacha amal qiladi. Argentinalik hujumchi yiliga sof 9 million yevro ishlab oladi. Martines o‘z daromadini bonus to‘lovlari orqali oshirishi mumkin bo‘ladi.
Martines "Inter"da 2018 yilning yozidan beri o‘ynamoqda. O‘shandan beri hujumchi 282 ta rasmiy o‘yinda maydonga tushib, 129 ta gol urgan va sheriklariga 43 ta golli uzatma bergan.
