Ўтган мавсумда "Аталанта"да ижара асосида ўйнаган "Милан"нинг 23 ёшли ҳужумчиси Шарл Де Кетеларе доимий равишда бергамоликлар сафига ўтиши мумкин, дея хабар беради журналист Николо Скира.
Манбага кўра, бельгиялик футболчининг ўзи ҳам Бергамода қолмоқчи. Қайд этилишича, “Милан” футболчи учун 22 миллион евро ва қўшимча 4 миллион евро бонус олишни истамоқда. Клуб, шунингдек, футболчини кейинги сотишдан 10% пулни ҳам олмоқчи.
Жорий мавсумда 23 ёшли Шарль де Кетеларе “Аталанта” сафида барча мусобақаларда 50 та ўйин ўтказиб, 14 та гол ва 11 та голли узатмани амалга оширди. Футболчининг "Милан" билан шартномаси 2027 йилнинг июнь ойи охиригача амал қилади. Transfermarkt интернет порталига кўра футболчининг тахминий нархи 34 миллион еврони ташкил қилади.
