"Наполи"нинг ўнг қанот ҳимоячиси Жованни ди Лоренцо "Ювентус"нинг трансфер мақсадларидан бири бўлиб қолмоқда.
30 ёшли футболчининг кетиши ҳақидаги миш-мишларни унинг агенти бошлаб берган ва у мижозининг шу ёзда клубини ўзгартиришга тайёрлиги ҳақида гапирган.
Ди Лоренцо учун асосий даъвогар "Ювентус" бўлиб кўрилмоқда, у аллақачон келишув устида ишламоқда.
Журналист Николо Скиранинг янгиланган маълумотларига кўра, "бьянконерилар" италиялик футболчига мавсум учун 3,5 миллион евро тўлашга тайёр - у "Наполи"да оладиган маош билан бир хил.
Ўтиш жараёни амалга ошиши учун Ди Лоренцонинг ўзи "Наполи"га кетиш истагини очиқ айтиши керак бўлади.
