"Бавария" "Фулхэм" ярим ҳимоячиси Жоау Палинья учун асосий даъвогар бўлиб қолмоқда.
Мюнхен гранди бош мураббийи Венсан Компани келишувни тўлиқ маъқуллади - бельгиялик мураббий португалиялик ярим ҳимоячи ўз жамоасига катта ёрдам беришига ишонмоқда, дея хабар беради инсайдер Фабрицио Романо.
Мураббий, шунингдек, Палиньянинг ўтган ёзда деярли амалга ошмаган бу трансфердан ҳозир хурсандлигидан хабардор.
Айрим малумотларга кўра, "Бавария" 28 ёшли футболчининг ўзи билан аллақачон келишувга эришган. Энди клуб "Фулхэм" билан трансфер шартларини келишиб олиши керак.
