Мадриднинг “Реал” клуби дарвозабони Тибо Куртуа ўзининг ўрнини эгаллаган Андрей Луниннинг ўтган мавсумдаги ўйини ҳақида фикр билдирди.

"Бу йил мен учун жуда оғир йил бўлди, мени қўллаб-қувватлаган барчага миннатдорчилик билдираман. Ўйнамаган пайтларимда ҳам жамоага нисбатан хотиржам эдим. Лунин мавсумни жуда яхши ўтказди. Биз унга раҳмат айтишимиз керак. Мен бу йигитнинг яхши эканини билардим", - деди дарвозабон.

Куртуа тиззасидан олган жароҳат туфайли деярли бутун мавсумни ўтказиб юборди. Белгиялик футболчи 2023/2024 йилги мавсумда бор йўғи бешта ўйинда майдонга тушиб, бирорта ҳам гол ўтказиб юбормаган.