"Ювентус" ва Италия терма жамоасининг собиқ ҳимоячиси Андреа Барцальи яқинда Антонио Контенинг "Наполи" бош мураббийи этиб тайинлангани ҳақида гапирди.
Италиялик мураббий бир йилдан кўпроқ вақт ичида илк бор ишга қайтади. У неаполликлар билан 2026/27 йилги мавсум якунига қадар шартнома тузди.
"Конте ҳар доим натижа берадиган мураббийлардан бири. У жуда пухта ва ҳатто ҳақиқий чемпионлар ҳам у билан ишлаш орқали янада яхшироқ бўлишлари мумкин. Ҳа, Антонио жуда талабчан ва унинг машғулотлари шунчалик қийин. У билан ҳар бир жамоа ўзига хос менталитетга эга бўлади", - деди Барцальи.
