Мадриднинг “Реал” клуби бош мураббийи Карло Анчелотти, агар ярим ҳимоячи Тони Кроос фаолиятини якунлаш ҳақидаги фикридан қайтса, жамоага қайтаришга тайёрлигини айтди.
"Афсуски, Кроос фаолиятини якунлашга қарор қилди. У қарорларида немис, аммо Мадридда яшашда давом этади. Мен унга агар у кузда фикрини ўзгартирса, биринчи телефон қўнғироғидан кейин ҳаммасини бошидан бошлаймиз, дедим", - дейди Анчелотти.
Германиялик ярим ҳимоячи 2014 йилда "Бавария"дан "Реал"га ўтган эди. Бу даврда Кроос барча турнирларда 465 та учрашувда қатнашиб, 28 та гол ва 99 та голли узатмани амалга оширди.
