Мюнхеннинг "Бавария" клуби ярим ҳимоячи Жоау Пальиньяга бошқа клублар қизиқиш билдираётган вазиятга хотиржам муносабатда.
Журналист Фабрицио Романонинг хабарига кўра, Мюнхен клуби "Альянц Арена"га ўтиш истагида бўлган футболчи билан келишувга эришган. Палинья хизматларига Англия Премьер-лигаси клублари қизиқиш билдираётгани, аммо футболчининг ўзи "Бавария"га ўтмоқчи экани аввалроқ хабар қилинганди.
Бош мураббий Венсан Компани тажрибали португалияликнинг номзодини маъқуллади. 28 ёшли ярим ҳимоячи Англия чемпионатининг сўнгги мавсумида тўртта гол урди ва битта голли узатмани амалга оширди.
