"Ювентус" ярим ҳимоячиси Адриен Рабьо "Милан"нинг қизиқиш доирасига тушиб қолди. Бу ҳақда Corrierre dello Sport хабар бермоқда.
Манба берган хабарга кўра, "россонерилар" Рабьонинг "Ювентус" билан шартномаси муддати тугаши мумкинлиги фонида футболчи билан музокаралар олиб бориш ниятида.
Шу билан бирга, миланликлар раҳбарияти футболчига 7,5 миллион евро тўлашни таклиф қилишга тайёр, бу эса Рабьонинг потенциал трансферидаги асосий муаммо ҳисобланади.
Аввалроқ, футболчи "Ювентус" билан янги шартнома бўйича музокаралар чоғида маошини сезиларли даражада оширишни ва камида 8 миллион еврога етказишни талаб қилаётгани ва бу билан туринликлар олдидаги вазифани мураккаблаштиргани хабар қилинганди.
