Мадриднинг “Реал” клуби ҳужумчиси Хоселу жамоадоши Даниэль Карвахалнинг иқтидорига ашаддий мухлислик қилишини айтди.
"Эспаньол"дан ижарага олинган 34 ёшли футболчи Карвахални тарихдаги энг яхши ўнг қанот ҳимоячиси деб атади ва у "Олтин тўп" учун Винисиус Жуниор ва Жуд Беллингем билан бирга бўлиши мумкинлигини айтди.
"Карвахалнинг "Олтин тўп"ни ютиш имконияти? Ишончим комилки, у ғалаба қозониш имкониятига эга бўларди, лекин биз бу мукофотга келганда ҳаммаси қандай кетаётганини аллақачон биламиз", - деди Хоселу.
Ўтган мавсумда "Реал" Ла Лига, Чемпионлар Лигаси ва Испания Суперкубогини қўлга киритди.
