"Бавария" Мануэль Нойер ва Томас Мюллер бир йилдан сўнг нафақага чиқишига ишонмоқда. Ҳар икки футболчи ҳам жамоада энг кўп маош олувчилардан бири бўлиб, ҳар бири йилига тахминан 20 миллион евро олади.
SportBild хабарига кўра, "Бавария" раҳбарлари келгуси мавсум охирида Нойер ва Мюллер бутсаларини михга илишларини кутишмоқда, бу эса Мюнхен клубининг иш ҳақи фондини сезиларли даражада енгиллаштиради.
Мануэль Нойер ҳозир 38 ёшда. У 2011 йилда "Шальке 04"дан "Бавария"га ўтган. Томас Мюллер бутун профессионал фаолиятини "Бавария"да ўтказди. Форвард сентябрь ойида 35 ёшга тўлади.
