"Астон Вилла"да ижара асосида ўйнаётган "Галатасарой" ҳужумчиси Николо Дзаньоло "Аталанта"га ўтиши мумкин, деб хабар беради таниқли журналист Фабрицио Романо.
Манбага кўра, 24 ёшли италиялик футболчи бергамоликларнинг қисқа рўйхатидан жой олган. Қайд этилишича, “Вильярреал” футболчи билан боғланган, бироқ “Аталанта” футболчини сотиб олишга жиддий бел боғлаган.
Ўтган мавсумда ярим ҳимоячи барча турнирларда 40 та ўйинда қатнашиб, учта гол урган. Футболчининг турк клуби билан амалдаги меҳнат шартномаси 2027 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 20 миллион еврони ташкил қилади.
