Машҳур мураббий Луис Фелипе Сколари "Олтин тўп"ни оладиган битта футболчини танлади. Бразилия терма жамоасининг собиқ бош мураббийи фикрича, “Реал” ҳужумчиси Винисиус Жуниор мукофотга лойиқ.
“Винисиус ҳақиқатан ҳам “Олтин тўп”га лойиқ. Агар ушбу соврин учун битта футболчини танлай олсам, Винисиусни танлаган бўлардим", - деди Сколари Marca билан суҳбатда.
Эслатиб ўтамиз, Винисиус клуб даражасида ажойиб мавсум ўтказди. "Реал" Испания чемпионлиги ва Чемпионлар лигасида ғалаба қозонган, бундан олдин эса Испания Суперкубогини қўлга киритган. Айнан Винисиус энди “Олтин тўп” учун курашда фаворит саналади.
