Мадриднинг “Реал” клуби ва Франция терма жамоаси ҳужумчиси Килиан Мбаппе терма жамоанинг очиқ машғулотини ўтказиб юборди. Бу ҳақда журналист Фабрис Хокинс ижтимоий тармоқдаги саҳифасида маълум қилди.

Манбанинг қайд этишича, Мбаппе жамоа базасида индивидуал машғулот ўтказган. Аввалроқ, 25 ёшли футболчи бел ва тиззаларидаги муаммолар туфайли бир нечта машғулотларни ўтказиб юборган эди.

Дидье Дешам шогирдлари 2024 йилги Европа чемпионатининг биринчи турида Австрия терма жамоаси билан тўқнаш келишади. Жамоалар ўртасидаги ўйин 17 июнь, душанба куни бўлиб ўтади.