Европа Чемпионати "А" гуруҳининг 1-турида Германия терма жамоаси 14 июнь, жума куни Шотландияга қарши баҳс олиб борди.

Мусобақанинг очилиш ўйинида 10-дақиқадаёқ ҳисоб очилди. Флориан Вирц немисларни ҳисобда олдинга олиб чиқди. 19-дақиқада эса Жамал Мусиала жамоасининг ажойиб комбинациясини голга айлантирди. Бўлим охирида эса шотландлар бир киши кам бўлиб қолди. Портеус жарима майдони ичида Гюндоганга қарши қўполлик ишлатди ва қизил карточка олди. Пенальтини эса Ҳаверц аниқ амалга ошириб, ҳисобни йирик кўринишга олиб келди.

Иккинчи бўлимда ҳам немислар гегемонлиги давом этди. 68-дақиқада эндигина майдонга тушган Фюллькруг Германиянинг 4-голига муаллифлик қилди. 87-дақиқада Антонио Рюдигер ўз дарвозасини ишғол қилиб қўйди. Ўйинга эса Эмре Жан ажойиб гол билан якун ясади.

Шу тариқа ўйин 5:1 ҳисобида Германиянинг ғалабаси билан якунланди.

Гуруҳнинг иккинчи ўйини Венгрия ва Швейцария ўртасида бўлиб ўтади. Учрашув 15 июнь куни 18:00 да старт олади.

Евро—2024, 1-тур. 14 июнь, жума
Германия – Шотландия 5:1
Голлар: 1:0 – 10 Вирц, 2:0 – 19 Мусиала, 3:0 – 45+1 Ҳаверц (пенальти), 4:0 – 68 Фюллькруг, 4:1 – 87 Рюдигер (автогол), 5:1 — 90+3 Жан.
Германия: Нойер, Рюдигер, Та, Миттельштедт, Кроос (Жан, 80), Гюндоган, Андрих (Гросс, 46), Вирц (Сане, 63), Киммих, Ҳаверц (Фюллькруг, 63), Мусиала (Мюллер, 74).
Шотландия: Ганн, Ралстон, Тирни (Маккенна, 77), Ҳендри, Портеус, Робертсон, Макгинн (Маклин, 67), Кристи (Шенкленд, 82), Макгрегор (Гилмор, 67), Мактоминей, Адамс (Ҳенли, 46).
Огоҳлантиришлар: Андрих (31), Ралстон (48), Та (62).
Четлатиш: Портеус (44).