«Лилль» ҳимоячиси Лени Йоро фаолиятини қаерда давом эттириш борасида якуний қарорга келди. Франциялик иқтидорли футболчининг хизматларига «Реал», «ПСЖ» ва «Ливерпуль» клублари қизиқиш билдирмоқда.
"Todofichajes" порталига кўра, Йоро «қироллик» клубига ўтишга қарор қилган. Лени Испания пойтахтида бошқа француз футболчилари билан бирлашмоқчи. Ферлан Менди, Орельен Тчуамени, Эдуардо Камавинга ва Килиан Мбаппе «Реал Мадрид» сафида тўп тепади.
«Лилль» эса ўз навбатида ҳимоячини 40 миллион еврога сотишга тайёр. Ленининг клуб билан шартномаси келаси йилнинг ёзигача амал қилади.
