Испания терма жамоаси ва «Барселона» футболчиси Ламин Ямал «Реал» вакили Даниэль Карвахаль билан муносабатлари ҳақида фикр билдирди.
16 ёшли вингер Евро-2024 доирасидаги Хорватияга (3:0) қарши ўйинда «Лос-Бланкос» ҳимоячисига ассистентлик қилди. Карвахаль ва Ямал голни биргаликда нишонлашди ва бу терма жамоада клубга мансублик унчалик муҳим эмаслигини яққол кўрсатди.
«Карвахаль билан голни нишонлаш? Мен «Барселона»данман, у эса «Реал»дан бўлгани учун одамлар бизни тил топиша олмаяпти, деб ўйлайди. Аммо бу нотўғри - бизда муносабатлар аъло даражада», - дея Евро тарихидаги энг ёш голли узатма муаллифига айланган Ямалдан иқтибос келтиради "Barca Times".
