"Арсенал"нинг собиқ ярим ҳимоячиси Жек Уилшер Англия терма жамоаси бош мураббийи Гарет Саутгейтнинг ярим ҳимоячи Трент Александр-Арнольд билан ўтказган тажрибаси ҳақида гапирди.
"Сербияга қарши ўйинда Трентни асосий таркибда кўрганимдан хурсанд бўлдим. Бу қарор биз одатда Саутгейтдан кўрганимиздан бироз жасоратли ва менга ёқди. Ишлар улар хоҳлагандек бўлиши шарт эмас эди, лекин бу Трентнинг айби эмас. Саутгейт у ерда у билан тажриба ўтказди.
Трент, Кайл Уокер ва Букайо Саканинг комбинацияси истиқболли кўринади. Трентнинг табиий равишда ўнг қанотга ўтганини ва зарбани деярли қанот ҳимоячиси каби қабул қилганини кўрдингиз. Уокернинг тақдири бундан кейин нима бўлишидан ҳайронман. Биз бу боғламдан кўпроқ фойдаланишимиз керак", — дея Уилшер сўзларини келтиради The Sun.
2024 йилги Европа чемпионати гуруҳ босқичининг 1-турида британияликлар Сербия терма жамоасини минимал (1:0) ҳисобида мағлуб этишди. Саутгейт шогирдлари навбатдаги ўйинни Данияга қарши ўтказади.
