Португалия терма жамоаси ҳимоячиси Нуну Мендеш Евро-2024 гуруҳ босқичида Чехия устидан қозонилган иродали ғалабадан сўнг (2:1) ўз фикрлари билан ўртоқлашди.

"Биз бугун бор кучимизни бердик, аммо қиладиган ишларимиз бор. Кейинги ўйингача тўрт кун бор. Рақибни синчиклаб таҳлил қилиш ва кейинги ўйинга имкон қадар яхши тайёргарлик кўриш муҳим.

Биз бу ўйинда катта муаммоларни кутгандик - Чехияда яхши ўйинчилар бор. Улар буни билишган ва шундай эканлигини исботлаганлар. Биз тўпни қўлга киритишни истадик ва буни яхши уддаладик, лекин гол уришга уринганимизда, буни уддалай олмадик. Якунда биз яхши ишладик ва ҳақли ғалабага эришдик", - деди Мендеш УЕФА расмий сайтига.